Metaziri
kolektibo editorialak Elurre Iriarte Bañez arizkundarraren ‘Kirika FM, bizi
garen munduei begira’ izeneko liburua aurkeztu du prentsa agerraldi batez
Iruritako Jauregiarte taberna kulturalean.
Pentsamendu aldizkariaz gain, Baztango sortzaileen lanak argitaratzen ditu
Metazirik eta, Bazaudete olerki
liburua eta Hiru ilargi laurden
nobelaren ondoren, Kirika FM, bizi garen
munduei begira aurkeztu du.
Liburuak
Elurre Iriartek Xorroxin irratiko Di-da tartean egindako gogoetak biltzen ditu,
paperera ekarriak. Testuak irratirako pentsaturik izanik, laburrak, zuzenak eta
irakurterrazak dira eta, egileak berak aurkezpenean erran duen moduan,
hausnarketarako eta eztabaidarako tartea ematen dute.
Aurkezpena Xaloa telebistan:
Liburua honako
tokietan eskura daiteke 10 sosetan:
Zugarramurdiko
Marixan ostatuan
Erratzuko Zubi Punta ostatuan eta Altxuko dendan
Arizkungo
Dolaetxea ostatuan eta estankoan
Elizondoko Axular liburu-dendan, Kiliki
dendan eta Intza eta Ilargi ostatuetan
Oronozko Oskorri liburu-dendan.
iruzkinik ez:
Argitaratu iruzkina